Dr. Kamal Ishaq

يا ربنا يا كبير

تعبت م التفكير

لو كنت كاتبلي الألم

مش حقي برضو النعم؟

دي رسالة الأديان

سعادة الإنسان

مش بس التحريم

والمنع والحرمان

من حقي المتعة

من حقي اللذة

يعني من حقي

كاس بيرة بالمزة؟

قعدة مع المزة؟

او بطة او وزة؟

آكلها واتهنى

ليه بس استنى

وعد بالجنة

وانا اللي شقيان

في اغلب الأحيان

في عيشتي في الدنيا

ارحمني دانا انسان

وعندي احتياجات

في حاجات كتير تانية

ومادام خلقتلي قلب

من حقي إني أحب

من حقي اتمتع

واتهنى وأبقى أب

وزي ما دقت الألم

المتعة هيا العوض

وللا الالم وحده

هو اللي بس انفرض؟

العدل غير كدا

صحة قصاد المرض

لذة قصاد الشقا

متعة قصاد الألم

والعيشة الضيقة

قصادها عز ونعم

مش كله ذل وكرب

مش كله لطم وضرب

يا رب يا حنين

العدل بيقول لأ

:والحلال بين

المتعة لينا حق