—
حق التأديب فكر عجيب
—
نفسي ألاقي حد يتيح حق الخطأ من غير تجريح
إسمح لغيرك يشرح فكره وإنت ليك حق التصحيح
عشان لو إنت كنت شتمته من غير مناقشة تبقى أبيح
وهو يبقى أحسن منك يمكن بيغلط بس صريح
—
د. كمال فريد
-
Continue reading →: My belief (3) عقيدتي (٣)
My belief (3)
—
إنجيل متى الإصحاح الثاني.
I’m Christian. I believe that:
Jesus is the king of the Jews, a governor who will rule the people Israel, and a son of God (spiritually).
—
(2) saying: ‘Where is he who is born king of the Jews? for we saw his star in the east, we are come that we may worship him.’
(6) And thou Bethlehem, land of Juda, thou art not little among the princedoms of Juda: for from thee shall come a governor who will rule my people Israel.”
(15) And he was there until the death of Herod: that it might be fulfilled which. the Lord said by the prophet, saying: ‘I called my son from Egypt.’
Matthew 2: 2,6,15.
—
عقيدتي (٣):
—
أنا مسيحي أؤمن أن:
يسوع ملك اليهود، ومدبر يرعى شعب إسرائيل، وإبن الله (بنوة روحية).
2 قَائِلِينَ:«أَيْنَ هُوَ الْمَوْلُودُ مَلِكُ الْيَهُودِ؟ فَإِنَّنَا رَأَيْنَا نَجْمَهُ فِي الْمَشْرِقِ وَأَتَيْنَا لِنَسْجُدَ لَهُ».
6 وَأَنْتِ يَا بَيْتَ لَحْمٍ، أَرْضَ يَهُوذَا لَسْتِ الصُّغْرَى بَيْنَ رُؤَسَاءِ يَهُوذَا، لأَنْ مِنْكِ يَخْرُجُ مُدَبِّرٌ يَرْعَى شَعْبِي إِسْرَائِيلَ».
15 وَكَانَ هُنَاكَ إِلَى وَفَاةِ هِيرُودُسَ. لِكَيْ يَتِمَّ مَا قِيلَ مِنَ الرَّبِّ بِالنَّبِيِّ الْقَائِل:«مِنْ مِصْرَ دَعَوْتُ ابْني». إنجيل متى2.15,6,2 :
2: Matthew
-
Continue reading →: زجل: إمتى نحط النقط فوق الحروف؟
إمتى نحط النقط فوق الحروف؟
—
إمتى نحط النقط فوق الحروف؟
واللي عنده عيون لابد يشوف
كلنا عارفين الإيديولوچية
اللي إيمانها الكراهية
لكن مابنقولش ايه هيا
علشان خرسنا من الخوف.
—
د. كمال فريد.
-
Continue reading →: زجل: ماغابتشي لحظة عني
ماغابتشي لحظة عني من يوم ما سبتها
دي مصر حته مني وأديني راجعلها
ما اقدرش استغنى عنها وبروحي باحبها
مالقيتش أحلى منها في الدنيا كلها
عشتي يا مصر عشتي يا مصر يا حبيبتي
يا جنه مافيش مثالها ولا شفتش زيها
يامصر يا أبهه.
—
د. كمال فريد
-
Continue reading →: زجل : لو واحد مش خجلان
زجل: “لو واحد مش خجلان”
عن جريمة قرية الكرم / أبو قرقاص / إلمنيا / ٢٠ مايو ٢٠١٦
—
لو واحد مش خجلان في مصر من اللي كان
هيكون في مصر كمان تسعين مليون عريان
تعرية الأم القبطية إهانة مية في المية
لكل مواطنة مصرية وفضيحة في كل مكان
دي جريمة وبتخطيط ولا هوش موضوع بسيط
واللي يقول كدا يا عبيط يا حتى ماهوش إنسان
اللي حصل دا فظيع ومحتاج قصاص سريع
ولا احناش عايزين تطبيع بين الجاني واللي اتهان
عايزين نشوف ميات اتلموا في زنزانات
واتقدموا لمحاكمات والعدل فيها يبان
علشان ديا مظاهرات محتاجة للحكم البات
زي الحكم اللي فات في مظاهرة عن تيران
كان فيها ناس خارجين من الريس طالبين
يكون ع الأرض أمين ما كانوش أبدا إخوان
—
د. كمال فريد.
-
Continue reading →: اللي دينه اختلف
—
عجبي على اللي اتولد وقالوا إسمه فلان
وكتبوا دينه كذا. في خانة الأديان
مش راضي ليه يعترف باللي دينه اختلف
دا شكله عمره ما عرف إنجيل ولا قرآن
على دين أبوه اتوجد ما كانش صاحب قرار
اكمنه لما اتولد ماكانش ليه اختيار
يعني الديانة نصيب ما بين هلال وصليب
أو ملة بيحددها مولود في أنهي مكان
ورسالة الأديان الحب والرحمة
رسالتها ليه ضاعت يا حبايبي في الزحمة؟
بقا اللي جه للخير يجيب أذى للغير؟
عجبي على الأديان عجبي عليك يا زمان.
ضاع مننا الإحساس وبقينا نتعارك
يا ريت يا كل الناس في الحب نتشارك
لو بس ننسى القسوة الدنيا تصبح حلوة
والفجر نوره يبان وتنوره الأديان
سيب كل واحد في حاله مالكش دعوه بدينه
إزاي عرفت أنه مخطئ ومين سمحلك تدينه
دالدين هوه الخير وهو حب الغير
خلي التعامل ما بيننا إنسان مع إنسان
—
د. كمال فريد.
-
Continue reading →: زجل “أنا راضي بهمومي”
—
زجل “أنا راضي بهمومي”
—
أنا راضي بهمومي وحالي عاجبني
لكنِّي طُول يومي الهَـمّ راكبني
مشكلتي في الإحساس بِـهَـمّ باقي الناس
الناس اللي عيـّانة ولافيش علاج ليها
والناس اللي شقيانة ومين حاسس بيها؟
والناس اللي حزنانة ومين سائل فيها؟
ولا داقوا يوم رحمة وضاعوا في الزحمة
ولا حد بيساعد ولا حتَّى بيقرب
ولا فيش ولا واحد بيواسي ويطبطب
ليه بس يا دنيا على البشر قاسية؟
يا ريت نساعدهم ونحسِّ يوم بيهم
ناخد سوا بإيدهم ندي الأمل ليهم
ياريت نريّحهم ونداوي في جراحهم
ومين ضامن إنه ما يكونش مطرحهم؟
بالحب والإحساس بالناس وِهَـمّ الناس
نبقى بشـر يا ناس وهُـوَّه دا المقياس.
د. كمال فريد
21/4/2016 -
Continue reading →: زجل “فيها إيه؟”
زجل “فيها إيه؟”.
—
قال لي سيبني ..روح وسيبني .. إنت مالك باللي فِيّا؟
د اللي مش عاجبك عاجبني .. ليه هتخربها عليا؟
روح وسيبني بلاش سماجة .. ما انت عارف كل حاجة.
وقد إيه عيشتي هنية.
—
ما انت شايف اني باكل .. ما انت شايف اني بشرب.
ما انت عارف اني عاقل .. ليه بقى عايزني أغضب؟
قوللي إيه قصدك معايا؟ ..إني أقول ده مش كفايه؟
مش هقولها مهما تعمل .. مش راح اصرخ مش هاهلل.
مش راح افتح اي دمل ..انت عايز فتنه تحصل؟
فتنه نايمة ليه .. نصحي الفتنة ليه؟
نعمة دايمة.. عز دايم إحنا فيه.
دقنا خيره .. أكل .. شرب .. بالهناء والشفا
هل يضيره أي ضرب؟.وللا كرت ع القفا؟
ما انت شايف من زمان .. إني باحلم بالأمان
طول ما بْقي في مطرحه .. ليه بقى راح تفتحه؟
ليه بتنغز فيٌا ليه؟ إنت عايز مني إيه؟
ما انت عارف اللي ممكن يوم يصيبني لو بحقي يوم أطالب.
ما انت شايف .. ليه بقى جاي تحاسبني .. ولا حتى ليه تعاتب؟
لو هنفتح باب مطالب .. مش هنقدر يوم نسده.
مش هيجلب غير متاعب .. للوطن ممكن تهده.
انت عايزني أشاغب؟ ولا عايزني أشاغب؟
هو انا دلوقتي عاجب؟ .. لما ابقى كمان اطالب:
بالحقوق؟ .. يا إبني فوق.
إنت عايز وحش كاسر يفترسني؟
لو هتعمل ليا خاطر روح وسيبني.
روح وسيبني .. ده اللي مش عاجبك عاجبني.
فيها إيه لو كنت أسكت
لما يبقى القول يموِّت.
—
فيها إيه لو قالوا ليا .. يوم ما خدت الثانويه:
ما بنعترفش بنمرة عالية.. هي جامعاتنا تكية؟
لسا ليها امتحان*..قرروا واحد جبان.
للخيار عنده مكان .. خد فلان وإحرم فلان.
وإعرف أبلا إسمه ايه .. وإبن بيه وللا ابن ايه.
ولا كافر إبن كافر .. ما تجوزشي رحمة يوم عليه.
فيها إيه؟ فيها إيه؟ ليه تعقدهالي ليه؟
أي حته هاخش فيها .. لما يرضوا ليا بيها
أي لقمه راح تاخدها .. الكلاب من يد سيدها.
وبرضو يبقى الشكر ليهم .. ع اللي باخده من ايديهم.—
وفيها إيه لو كنت شاطر ..باجتهد وأسهر واذاكر
وإدوني برضو نمرة واطية؟ بس خدت شهادة عالية.
مش كفايه الشهادة والسلام؟دي القناعه حاجه حلوه يا سلام.
يعني لازم أكون معيد؟ يعني دا حقي الوحيد؟
للأستاذيه فيه شروط: دي الجامعة زي الأخطبوط
وصلي على النبي تفوت .. وان ما صلتشي تموت.
—
وأي مصنع .. وللا مكتب .. ولا شركة:
فيها شغلة .. أو وظيفه فيها بَركة.
فيها ايه لو ياخدوا غيري لما أقدم للوظيفة.
اللي ليا حق فيها:
ده إسمي ما بينفعش ميري : ليه حروف صعبة وسخيفة.
وأعمل ايه انا بس بيها؟
قبل ما تخلَّص عليا .. والدنيا تسود في عينيا؟
لما تقفل كل باب ..لرزق ممكن يجي ليا.
وإن دخت مش لاقي وظيفة..عشان أدوق لقمه شريفة:
غلطة اللي اختار لي إسمي .. غلطة من أبويا وأمي.
—
وليه بس أشكي .. لما أشوف .. اني محروم من الإدارة؟
داحنا مهما يكون ضيوف .. وغيرنا صار صاحب العمارة؟
وليه أعوز بس الإدارة؟ دي أي هفوة عقابها فُوري.
وحتى لو طُلت الوزارة؟ هيبقى رأيي فيها صُوري.
وإوعى يوم تسالني ليه إحنا الضيوف؟
وللا يعني إنت ما بتعرفشي خوف؟
يا ابني اسكت ما تطالبشي.. يا ابني اسكت قوم وامشي.
—
وفيها إيه لو قلت أصلِّي .. وأبني بيت للرب وحده..
لو يقولولي تملي .. أي شيء تبنيه نهدُّه:
بيقولوها بحسن نية .. قصدهم لا أتعب ولا انزل:
أقفل الأوضه عليا .. و أصلي في اي منزل.
بس ياخسارة الحقيقة
حتى دي ماهيش متاحة:
وصلاتنا فيه حتقيد حريقة
كإن الصلا يا ناس أباحة.
—
وفيها إيه لو مره يوصل للبيوت
صوت شتيمه أو مهاجمه بأعلى صوت
من حديث في الميكروفون .. فيه سباب من كل لون:
غلطه الودن اللي سامعة .. اللي تستاهل البوليس
د اللي هيخليها والعة .. إنت مش صاحب الحديث
وهي مرة في كل جمعة .. يعني يوم من وسط سبعة
زيد عليهم كم مقالة .. في الجرايد والاذاعة.
بس دي يا صاحبي حاله مش بتحصل كل ساعة
زيد عليهم كام كتاب .. بس ما تسألش عنهم.
غلطة البأف اللي جاب.. من فلوسه نسخه منهم.
واللي تلفزيونه كان ..
سبب كمان خلاه يهان..
لو شاف حاجات من دي بعينيه
هوه مين فتحه بايديه؟
يبقى يشكي بس ليه؟
—
وفيها ايه لو ما أحسش بالأمان؟
ده نصيبي في البلد دي من زمان
فات علينا ألف عام وأكتر كمان
دقنا فيها القهر والموت والهوان.
—
فيها ايه بس الجديد لو طعني سيخ حديد؟
فيها ايه بس الخطير لو تصيبني الجنازير؟
فيها ايه يا ابني المخيف لو دبحني مرة سيف؟
فيها ايه لو يحرقوا لي مرة دار؟
فيها ايه لو يهدموا لي يوم منار؟
فيها ايه لو ينهبولي مرة مال؟
فيها ايه لو يخطفولي يوم عيال؟
فيها ايه لو يفضحولي يوم بنات؟
فيها ايه لو خلوا أنفاسنا آهات؟
فيها ايه: بيكرروا كل اللي فات؟
—
وفيها ايه لما أسلِّم والرد يجي بإقتضاب.
وإن قلت اسمي الناس تبلم كإن اسمي عجب عجاب.
وأحس اني جوه بيتنا غريب ولا ليش فيه صحاب.
وياما غُرب بياكلوا خيرنا وأسف وحدي من التراب
وإن أي غريب يجينا
م الصحرا وللا من المدينة
راكب جمل ولا سفينة: البيت دا ليه والغربة لينا.
ليه العجب؟ ايه الغرابه؟ ده كل شيء بقى للديابه
وخلاص بقينا احنا الغلابه
وكفايه رضيوا نعيش معاهم
من غير ما نكسب يوم رضاهم
وإوعك تقول لي ليه وليه
ده ياما ناس بتبص لينا
وإنت عارف عايزة ايه:
إنها تتغدا بينا.
—
يا ابني أسكت ما تطالبشي.
يا ابني اسكت قوم وإمشي.
لو هنفتح باب مطالب مش هنقدر يوم نسده.
مش هيجلب غير متاعب للوطن ممكن تهده.
انت عايزني أشاغب؟ وللا عايزني أشاغب؟
هو انا دلوقتي عاجب؟ لما آجي كمان أطالب:
بالحقوق .. يا ابني فوق.
انت عايز وحش كاسر يفترسني
لو هتعمل ليا خاطر روح وسيبني.
روح وسيبني.
ده اللي مش عاجبك عاجبني.
آه عاجبني.—
وسمعتله.
وقلتله.
لو مافيش شيء تعمله غير الكلام:
تبقى ميت، والضرب في الميت حرام.
لانا هاسألك ولا تجاوبني.
بس حالك مش عاجبني.وفيها إيه لو قلتلك
إن حالك مش عاجبني
فيها إيه؟
—
دكتور كمال فريد
—
★ لسا ليها امتحان..قرروا واحد جبان:
مشروع فشل كان هدفه أن يكون الإلتحاق بالكليات عن طريق امتحان خاص بكل كلية وليس بمجموع نتيجة الثانوية العامة،
مما يفسح الطريق للمحسوبية والرشاوي وعدم العدالة. -
Continue reading →: زجل “عيدك عيدي”
—
زجل: “عيدك دا عيدي كمان”
—
عيدك دا عيدي كمان يا أخويا في الأوطان
ياللي الفراعنة جدودنا من سالف الأزمان
مكاني جوه في قلبك وليك في قلبي مكان
عشان في مصر بلدنا كل البشر إخوان
كلمة “وطن” معناها عزة وشعور بأمان
وناس بتبني بلدها إنسان مع إنسان
كلمة “محبة” تلخٌَص رسالة الأديان:
الدين رسالته الحب والبر والإحسان.
إيدك في إيدي عشان نرجع لمجد زمان.
وتقوللي “عيدك عيدي” وتاخدني بالأحضان.
عيد سعيد يا حبايبي عيدكم دا عيدي كمان.
—
د. كمال فريد:
Dr. Kamal Ishaq 