Dr. Kamal Ishaq

يا رب ايه حكمتك لما خلقت البشر؟

وخلقت فيهم خير، طب ليه خلقت الشر؟

وخلقت لينا الحلو، طب ليه خلقت المر؟

وطفل مولود عبد، وطفل غيره حر.

وناس تعبها المرض، وناس في صحة تسر

وناس بموت تتخطف، وناس طويلة العمر

وناس في فقر وعدم، وناس في ثروة ويسر

وناس تموت م البرد وناس تموت م الحر

وخلقت لذة وألم، وخلقت نصر وقهر

وناس بتسكن ترب، وناس سكنها في قصر

وناس صغر عقلها، وناس بفهم وفكر

مش قادر أفهم ليه؟ إلتمسلي العذر

لكن كفايه أقول، وليك يا رب الأمر

يا رب يبقى الخير مكتوب لنا في مصر