Dr. Kamal Ishaq

من اريوس لأثناسيوس وللا أبوليناريوس
ومعاهم نسطور وباقي الطابور
بيقولوا مين أحسن ويا قلبي لا تحزن
فات لينا المسيح دين واضح وصريح
اسمه دين الحب دين طيبة القلب
ما طلبش منا غير الخير وحب الغير
دب الخلاف فينا في أمور ما هيش لينا
بيفتوا مين هوه وفي قلبهم قسوه
في حوار ما هوش مطلوب وغالبه مغلوب
عشان هيبقى عليه يقول قال كده ليه
ولا فيش عنده جواب يقنع الأغراب
وإتسببت فُرقه وبقينا ميت فِرقه
واتجرم التفكير وإتأمر التكفير.
يا قلبي يا حزين ابكي على دين
خذلوه ولاده ضاع وبالرخيص اتباع
خلوا اللي ما يسوا ياخدنا بالقوه
ودي آخرة الخلافات ويا ريتكم يا إخوات
تبطلوا تدينوا غيركوا على دينه
وتلوموا على فهمه وتذموا وتهاجموا
كإنكم ربه: هو اللي هيحاسبه
يعني قبول الآخر وباجيب لكم من الآخر
مش يمكن الغلطان إنت يا غفلان
وربنا العادل في دي هيتساهل
يعني يحاسبنا على قد ما فهمنا
يا رب فهمني ون جيت تحاسبني
خلي العقاب قيمته على قد ما فهمته
دكتور كمال فريد