Dr. Kamal Ishaq

زجل “جيش داعش”
—
راجل متعوس : جعان بلبوص: خدعوه بسؤال
ايه تتمناه من عند الله فأجاب في الحال
اتمنى فلوس وانكح وأبوس نسوان وعيال
فقالوله خلاص اهجم ع الناس هتفوز بالمال
وهتلقى كمان فيهم نسوان ألوان واشكال
وهتبقى شاويش في أعجب جيش يخطر على بال
سفاح دباح نكاح فتاح في العالم جال
يدبح في الناس من غير إحساس وشعاره هلال
يغزو ويذل وسعادته القتل وعقيدته ضلال
بتقول له يا وحش جيلهم بالدبح وكل الأهوال
اهجم متخافش دانت ماهتموتش لو دمك سال
هتروح في مكان مليان نسوان حلوين وعيال
واتهنى وهيص ويا البلابيص ودا كله حلال.
—
اصحوا يا مهاويس بطلوا تهجيص دا كلام يتقال؟
دالدين أخلاق: دين الخلاق مش دين بطال.
—
د. كمال.