Dr. Kamal Ishaq

زجل “يا شباب مصر”

—

يا شباب مصر اللي خلا الدنيا تعرف إحنا مين 

واللي خلى الدنيا تتباهى بنسل الفراعين 

 يا اللي بحقوق البشر وبالعداله مؤمنين

 حبوا بعض دي المحبه هي غايه كل دين 

حبوا بعض في الوطن وافهموا معنى المواطنه

 هننتصر على المحن لو هنتصرف بفطنة

 بالمحبه هنبني بيتنا مش هتبقى بينا فتنه

 وكل واحد منا يدعي للوطن ويقول آمين

 خلوا بالكم يا شبابنا العدو مش راح يسيبنا

 ياما في ناس بتحاربنا  قصدها تفرق قلوبنا 

هنقول لها عارفين حبيبنا ومين عدو ومين قريبنا 

دا حبنا لكل مصري انكتب فوق الجبين

 — 

د. كمال