Dr. Kamal Ishaq

بمناسبة ذكرى نصر أكتوبر ١٩٧٣

نشيد “النصر والإيمان” بمناسبة ذكرى نصر أكتوبر ١٩٧٣.

—

يا أمنا يا مصر

يا أمنا يا مصر.  يا مؤمنة يا مصر

مبروك عليكي النصر

—

أبطالك الأحرار  .  مابيقبلوش العار

على العدو زاحفين  زي البارود والنار

يفدو التراب الحر  يا مؤمنة يا مصر

—

يا موطن الشجعان   من سالف الأزمان

يفدوكي بالأرواح    يا أعظم الأوطان

دانتي الوجود والعمر   يا مؤمنة يا مصر

—

شبابك المقدام.   بيعدي ع الألغام

وفي السما بيطير.  أعلى من الأهرام

ويعود بنور الفجر  يا مؤمنة يا مصر

—

يا مهد للأمجاد. استأنفي الأعياد

وسجلي بطولات نحكيها للأولاد

ويغني بيها الدهر. يا مؤمنة يا مصر

—

يا أجمل الأسماء.  يا منبع الأخلاق

يا حصن للثوار. يا رعب للأعداء

للغازي إنتي القبر.  يا مؤمنة يا مصر

—

يا أمنا يا مصر.  يا مؤمنة يا مصر

مبروك عليكي النصر

—

د. كمال فريد

من ديوان “أغنيات في حب مصر”

رقم الإيداع ٥٤٤٥ لسنة ١٩٨٥

—