Dr. Kamal Ishaq

الإيمان
ـــ
رب الوجود موجود    خليك معاه وحده
التجربه بإذنه.           والنصر من عنده
في أحلك الأوقات.      عينه علي عبده
وإحنا أولاده              ونصرنا  مراده
مهما يطول الليل.        الفجر من بعده
ـــ
الظلمه جنب النور.    أوام بتتوارا
والشر جنب الخير    مسيره يتدارا
واللي عنده إيمان     له قوه جباره
وقيمة الإنسان     وقت  المحن بتبان
ومسيرها تتعدل ما تقولش يا خساره
ـــ
ياما جدود لينا        ضحوا بأرواحهم
والتضحيه كانت.     مصدر  لأفراحهم
صانوا الإيمان لينا.   وأدينا  مطرحهم
هنوصل الشعله.      دي من الحياه أغلى
واللي يضايقونا      الله يسامحهم.
            —
د. كمال فريد
من ديوان أغنيات في حب مصر
رقم الإيداع ٥٤٤٥ سنة ١٩٨٥
===

ناء تحت الهم قلبي.  إذ حملت هم شعبي
أيها التاريخ تعسا.  قد جعلت الحزن دأبي
ماذا تحكي عن بلادي غير  إذلال وكرب
قد أتى المأمون  جرما فائقا عن كل ذنب
إذ أتانا ذات يوم    غير خاش سخط رب
أمعن الإذلال فينا. يهتك العرض ويسبى
قاتل اغتال شعبا     أعزلا من غير حرب
صير الويلات تأتي  نحونا من كل صوب.
ــــ
كمال فريد
من ديوان أغنيات في حب مصر
رقم الإيداع ٥٤٤٥ سنة ١٩٨٥
===

جدودي

—

يا اللي وهبتو لبلدكو   عزة ومجد وخلود 

تعالوا شوفوا ولادكو  ما عدش ليهم وجود 

قولولهم إيه بس فادكو.  من الخنوع والسجود

إصحوا أوام من رقادكو   وعيدوا مجد الجدود 

إصحوا وقوموا بجهادكو  إصحوا يا نسل الأسود

  — 

د. كمال فريد 

من ديوان أغنيات في حب مصر 

رقم الإيداع ٥٤٤٥ سنة ١٩٨٥

===

—

نسيمك من هوا الجنة
—
نسيمك من هوا الجنة   منه يا مصر أرواحنا
وإسمك غنوة تتغني     في أحزاننا وأفراحنا
—
ترابك تبر يا بلادنا      منه يا مصر أجسادنا
ومن روحك خدت روحنا  علاها  وسر  أمجادنا
—
ومن نيلك رضعناها   كرامة وعزة محلاها
بنتباهى إننا ولادك   وبيكي الدنيا تتباهى
—
سماكي صافية وقلوبنا  وكل الدنيا أحبابنا
ومن إيماننا قوتنا     ما فيش قوه بترهبنا
—
وشمسك ساطعة بتنور   ونُورنا زيها وأكثر
حضارة صحت الدنيا :   بإذن الله هتتكرر.
—
د. كمال فريد
—
من ديوان “أغنيات في حب مصر”
رقم الإيداع ٥٤٤٥ لسنة ١٩٨٥.
       —