بمناسبة نصر أكتوبر ١٩٧٣
نشيد “أم البلاد يا مصر”
—
أم البلاد يا مصر سيري ف طريق النصر
جت ساعة التحرير
سيري في حما الرحمن دالله مع الشجعان
دايما ونصره كبير
—
آدي الجنود حشود حشود في جيش كبير مالهوش حدود
جم للجهاد يفدوا البلاد متحمسين زي الأسود
وكل روح تصبح بارود عشان تصون ارض الجدود
ام البلاد.
—
من غير رفيق عرفوا الطريق وداسوا فوق كل السدود
من غير ميعاد عرفوا الميعاد متجمعين عند الحدود
وكل روح تصبح بارود عشان تصون ارض الجدود
أم البلاد
—
يا إسرائيل مالكيش سبيل غير حقنا لينا يعود.
دا يوم حزين ع المعتدين : يوم مالشعوب بالروح تجود.
وكل روح تصبح بارود عشان تصون ارض الجدود
أم البلاد.
—
د. كمال
أكتوبر ١٩٧٣.
من ديوان “أغنيات في حب مصر”
رقم الإيداع:
٥٤٤٥ لسنة ١٩٨٥
Leave a Reply