—
“حبيبتي قلبي بينزف”
زجل يعبر عن ألم المصريين بعد نكسة يونيو ١٩٦٧، وعن أملنا الذي تحقق بإنتصار أكتوبر ١٩٧٣.
—
حبيبتي يا مصر:
حبيبتي قلبي بينزف بالدم من جرحك
ما عرفش يوم ابتسامة من اليوم ما ضاع فرحك
طول مانتي بالمعتدي محتلة يا بلدي
علي أي شيء أبتسم ولا لمين أضحك؟
—
تحرم عليا السعادة والفرحة والبسمة
طول ما رايات الصهاينه جنب القنال قايمة:
راية العدو لو تنغرس فيك يا بلدي:
خنجر في قلبي بينغرس مصدر جراح دائمة
—
يا شعب صرح الحضارة مش حظ او قسمة
ده بيت حجارته المبادئ و مسلحه الهمة
إخلص وكافح وإتعب :ضحى بالبلدي
عشان ما تتحرر بالفعل مش بالكلمة
–+
مصر يا أصل الحضارة يا أم كل العالم
يا أرض شعب عظيم: أبي وشجاع ومسالم
بكره لشفايفك تعود البسمة يا بلدي
دالمعتدى له ساعة وإنتي اللي مجدك دايم.
—
د. كمال فريد
—
من ديوان “أغنيات في حب مصر”.
رقم الإيداع ٥٤٤٥ لسنة ١٩٨٥.
Leave a Reply