Dr. Kamal Ishaq

—
زجل “الأرض بتتكلم مصري”.
—
الأرض بتتكلم مصري
ما كانتشي أبدا عربية.
دي بلادنا من قبلي لبحري
أسماءها كلها مصرية.

م النوبة وأسوان للدلتا

والواحة وأسيوط وإلمنيا
والزرع في مصر ما يعرفشي
غير بس شهورنا القبطية
وبيها كمان إحنا بنوصف
الطقس وحالته الجوية.
والطفل بيتكلم مصري
من أول عمره في الدنيا.
ويكمل عمره ما يتقنشي
غير بس اللهجة العامية:
دي لهجة حلوة وقواعدها
مصرية ميه في الميه.
ألفاظها رقيقة وعلى ذوقنا:
أحلى الألفاظ اللغوية.
وآثارنا : آثارنا الشامخة
أجدادنا سابوهالنا هدية
وعليها كتبولنا تاريخنا

بلغتنا الحلوة الأصلية
فعرفنا عظمة حضارتنا
وعرفنا بلدنا مين هيا.
وچيناتنا: چينات أجدادنا:
شهادتنا ع الفرعونية.

—
د. كمال فريد.