شعر د. كمال فريد
أغنية “عيد الأم”
—
(رسالة حب من إبن لأمه)
—
يا ساكنه في قلبي من صغري يا شاغله من زمان فكري
رضاكي اغلى من عمري هواكي في روحي وفي دمي
يا أمي
—
عيونك فيها حنيه بتحكي الحب لعينيا
وتحلى الدنيا حواليا لما القاك تبتسمي
يا أمي
—
كلامك أحلا من غنوه بتسحر نغمته الحلوه
باشيله في قلبي من جوه وفاكره زياده عن إسمي
يا أمي
—
وعايشه عشاني بتضحي هناكي بيبقى يوم فرحي
وتبكي معايا من جرحي ودايما تحملي همي
يا أمي
—
بحبك وإسألي قلبي يقول لك قد إيه حبي
وبادعي تفضلي جنبي يا أغلا الدنيا يا امي
يا امي
—
الدكتور كمال فريد
Leave a Reply