Dr. Kamal Ishaq

—

ليه الدنيا بتقسى على ناس  وتدلع ليه ناس تانيين؟

فيه ناس بالرجل بتنداس وناس في المتعة عايشين

فاقدين الزوق والإحساس وبالمساكين مش حاسين

دي قيمة الشخص بتنقاس بعطاؤه مش بالملايين

— 

ياما ناس فيها الهيبة  قناع ومخبي الخيبة

لو كلمة مش عاجباها تبقى في عينيها مصيبة

وبدل ما تحاول تفهم   تلاقيها ترفض تسمع

وبدل ما تناقش تشتم  بدل ما ترد وتقنع

ويخلوا الواحد يندم على إنه معاهم اتكلم

دالسب والشتيمة       كلام ملهوش قيمة

وعشان تقنع خصمك مافيش سكة سليمة

غير إنك تعرض رأيك بطريقة راقية كريمة.

—

مش عايز أكون قديس ولا أسقف ولا قسيس

وعاجبني إن أنا إنسان  طبيعي مهمن كان.

وفيا الخير  والشر.  لكني باحب الخير

وأضحى إن لزم الأمر بحياتي عشان الغير

وانا عارف إني كمان في الجنة ليا مكان

طول مانا فيا الإنسان والخير والحب كمان

ودي رسالة الأديان يعيش الناس في أمان.

 وهيرضى علينا الرب مادام ديانتنا الحب.

—

د. كمال فريد.