—
حر أنا حر مهما أدوق المر ، وهاعيش وأموت وانا حر
كام سيد لنا في مصر؟ : عدد ومالهوش حصر
حسب كلام الناس في طول وعرض القطر
ماحناش يا سادة عبيد عشان يكون لنا سيد
ربي خلقني حر من يوم ما كنت وليد
والحب والتقدير لكل سيدنا
لكن مافيش كلمة زي دي في ديننا
آسف يا سيدنا : عهد السيادة انتهى
والناس بقت حرة في الدنيا دي كلها
عهد السيادة ابتدا زمان بحد السيف
من مفتري اعتدا وناس قهرها الخوف
دا عهد راح و انتهى في الدنيا دي كلها
راح وراح الشر ما بقاش في عبد وسيد
ربي خالقني حر من يوم ما كنت وليد
“سيدنا” لفظ غريب مافيش علاقة ليه
بهلال ولا بصليب ولا دين أمرنا بيه
احنا يا ناس أحرار. مافيش ما بيننا عبيد
ويا حسرة عاللي اختار إنه يكونله سيد
دي أصلها مزايدة والدين ماقالهاشي
ون كنت أنا الجاهل عشان ما باقراشي
قولولي هي فين في الدين واناقراها
ولافتكرش الدين عمره هيرضاها
في ديني لينا إله سمانا أولاده
مارضيش حتى يقول إننا عباده.
يبقى ما يرضيش ربي أقول يا سيدنا
مهما يكون حبي للمدعو سيدنا (د. كمال فريد).
Leave a comment