Dr. Kamal Ishaq

الساعة والساعة
—
جلست في وحدتي أنظر في ساعتي
أرى الثواني بها تفلت من قبضتي
ولم يكن ما ارى بها سوى صورتي
رأيت عمري أنا يمر في نظرتي
تلك الثواني هي عمري فيا دهشتي
ها قد مضى بعضها أسرع من لفتتي
تمضي وكأنها تسخر من لهفتي
ورغبتي وقفها تزيد من حيرتي
هيهات تحقيقها  هيهات يا رغبتي
رحماك يا ساعتي لا تدن من ساعتي
هبيني أوقفتك.  وليس في قدرتي
وقف الثواني اذا مرت فيا حسرتي
—
دكتور كمال فريد

—
زجل وشعر ” عن الرسالة الموؤودة”
—
الفلاح الفصيح:
صاحب القداسه المبجل  أنا الفلاح الفصيح
صوتي هيفضل مجلجل  جريء وعالي وصريح
باناديك بحق القرابة لو كنت بابا بصحيح
إديني حقي يا بابا   د الحق يرضي المسيح
—
وحقي هو المحبة.    والعدل بين أولادك
يعني ما يقدرش أنبا  يسلبني حقي قصادك
دي رسالة للدكتوراه يعني اللي يحكم فيها
ويقوللي لأ أو آه    إنسان مؤهل ليها
—
يهون عليك بستان تعيش سنين تحرته
وقبل الثمر ما يبان تلقى اللي جه بططه
وهو ما بيعرفش غير كلمتين في لسان
يعني ما يتخيرش  عن أي ترجمان
—
وانت يا بابا أمين   عايز طريق الحق
محتار تصدق مين وتقول لي آه أو لأ:
إنسان بلا مؤهل يناقش رسائل ليه؟
وهو حتى بيجهل  نظامها يبقى إيه.
—
وإزاي بيهدر كلمة دكاترة مختصين؟
وللا انت عاجبك فكرة سطوة رجال الدين؟
وازاي يا بابا تحطه على رئاسة القسم؟
دانا اللي وحدي كشفته يا حسرتي ع العلم.
—
ريح ضميرك وخلص     بكلمة منك رشيدة
عايزين نناقش ونخلص دي رساله للناس مفيدة
محتاجة لمسة حنان محتاجة نظرة سديدة
يا بابا يا انسان        دي الحكمة فيك مش جديدة
—
وانا بس ليا رجاء     اللجنه ما يكونش فيها
اللي ابتدا بعداء      وجاب عليها واطيها
يا بابا ما ينفعش    الخصم  يبقى الحكم
ده رأي ما يكسبش  ما يجيبش غير الندم
—
دكتور كمال فريد اسحاق
—
يا راعي العلم إن العلم مكتئب
على الرسالة يبكي بل وينتحب.
البطء في العدل مثل الظلم يا أبتي
لا تترك الحق يخبو ثم يحتجب
لا يقضي على الفكر أي لا يصادره 
من زانه دينه والعلم والأدب
فكن كما كنت دائما أبدا  
رمزا وقدوة ، يا أيها الأب.
—
د. كمال فريد.
—
الجرأة مش قلة أدب       والصراحه بتنطلب
ون كنت مش قادر أجامل دور يا بابا على السبب
حرمتني من حقي ليه دي حاجه أعجب م العجب؟
سامحني وإسمح لي أسامحك يا ابو قلب أصفى من الدهب:
ده إنت بابا وما دمت بابا   يبقى تكون للكل أب.
—
د. كمال فريد.
—
—
ليه يا رب بتخلي كلب     
يقدر على إنسان شريف
ما رضيش يطاطي لشخص واطي   
قلبه إسود ومش نضيف.
—
زجل د. كمال فريد إسحق

زجل: قاللي إنت مين؟
—
قاللي إنت مين؟
وبتنتمي لأي دين؟
وأنا قلتله “أنا أخوك”
يعني أبويا هُوّه ابوك
وأمي أمك
ودمي دمك
وچيني چينك
لكنً ديني مش هوه دينك
بس احنا برضو اخوات لبعض
بيضمنا أصل وأرض
والدين قناعة مايجيش بفرض
—
أنا عندي دين عليه أمين
انا وأهلي بيه فرحانين.
هوه هدية للإنسانية:
وحب خير للعالمين.
أنا ليا دين مش أي دين.
فيه قبول للآخرين.
وصاني إني “لا أدين”.
—
قاللي انت كافر.
قاللي انت لازم تكفر بدينك
قاللي انت لازم تؤمن بديني وللا أهينك
رديت سألت “طب انت إيه؟
واللي بتؤمن إنت بيه: قوللي عليه”
—
ولا قالشي ايه حلو في دينه.
يخلي غيره مصدقينه.
وانا قلتله
وشرحتله وبيٌنتله
مين فينا مين محتاج لدين؟
أنا ديني قاللي إني أحب الآخرين
وقوللي دينك قال لك ايه
اللي قاله قول عليه
وليه تخبي حلاوته ليه؟
دالناس عليه مستغربين.
بيقول لك انهب
غيرك وعذًب.
بيقول لك اقتل
بيقوللك اسبي
بيقول لك اضرب.
بيقول لك اكره، وتقول “آمين”.
دا يبقى إسمه برضه دين؟
حقك تداري وتكون حزين،
وبدال ما تقرف في الآخرين:
أسكت وإعرف تروح لمين.
دانا عندي دين فاتح دراعه للمهتدين
—
د. كمال فريد.

زجل “كلنا إخوان”
—
فيكي يا أحلى مكان، إتعايشت الأديان، من سالف الازمان.
فيكي اللي صلا في جامع، ووالده في كنيسة راكع، وجده عابد أوثان.
ونتا يا مصري أخويا، وإبن أمي وبويا، وكلنا إخوان.
ما نقولش قبطي ومسلم، بلدنا أعظم وأكرم، للكل فيها مكان.

تعالى نبني ونبني، نبني لإبنك وإبني، ونعلا بالبنيان.
نبنيها حبه حبه، ونعيش سوا في محبة، إنسان مع إنسان.
وأحن تيجي في حضني، واتهنى ونت واخدني، يا أخويا بالأحضان
يا اخويا يا إنسان، يا مصري يا انسان، ده كلنا إخوان.
—
د. كمال فريد.