Dr. Kamal Ishaq

قتل النفوس ضد الناموس في كل مذهب وكل دين
لو التناول يدي حصانة كان يبقى أولى القسيسين
ومش كل كاهن بيبقى باين كهنة سليمة أو عيانين
وأي كاهن مريض بينفخ بيدي فايرس للموجودين
يا نفاخين عديتو مين م المؤمنين الغلبانين؟
جانا المخلص عشان يخلص ماجاش يخلص ع المؤمنين
الحق يا بابا حياة غلابة دي أمانة ونت تبقى الأمين
يعني النفوس قبل الطقوس وياريت يا مجمع نقول آمين
وأنا برضه آسف لكل واحد من حبايبي المصدومين
مااعرفش أنافق ماأقدرش أزايد وأشوف حبايبي ميتين.

انا حر: مش عايز أطيع.
مش عايز اكون واحد في قطيع.
أنا ليا اراده وارادتي كفايه.
مش عايز فيها شركا ويايا.
يقولو لي يمين وأرد آمين
يقولوا لي شمال اشمل في الحال.
امال فين عقلي؟ ده انا عقلي كبير.
والعقل ده قاللي شغلني تملي.
وإوعى تتصرف من غير تفكير.
زي الجرابيع.
مش عايز اطيع.
.مش عايز اكون واحد في قطيع